Uncategorized

Antares scam

بعض المراجعين مؤخراً إبتدو حملة إعلانات لموقع يدعى antares لكسب الأموال بشكل مضمون ومؤكد وتحت عناوين تشد وبأسلوب حماسي لإقناع متابعيهم..الموقع ده نصب ومعمول كسبوبة يلمو فلوس الناس ويسمحولك بسحب بعض الأرباح الصغيرة مؤقتاً لحد ما يوصل هوا للتارجت بتاعه ويختفي بفلوسك وفلوس كل المشتركين والموقع ده إستنساخ لمواقع كتيرة نصابة إتعملت بنفس الطريقة قبل كدة ولمت ملايين من الناس قبل ما تنهار أو تختفي بفلوس المشتركين..فكرة الموقع إنه بياخد منك فلوس يقولك هستثمرهالك لمدة 280 وبإختصار بياخد فلوسك ويدي منها أرباح الناس إللي قبلك وكدة كدة قدامهم وقت كفاية إنهم يلمو ملايين الدولارات قبل اللحظة إللي هيختفو فيها ومفيش بينك وبينهم أي حاجة تخليك تقدر تطالب بحقك بعد كدة..إحذرو المواقع دي ومتصدقوش أي حد بيروج لحاجة هتضرك أو تخسرك لمجرد إنه واخد فلوس عشان يقول الكلام المطلوب منه..لو عايز تفهم أكتر المصادر في الكومنتات.أنشر البوست ده للتحذير من النصباية الجديدة إللي للأسف بتنتشر بسرعة.تحديث: ده بإختصار جداً شرح البيزنيس مودل ده عشان إللي بيقولك فيه ناس بتاخد أرباح.. دفعت 1000 دولار وبعد شهر سحبت 20 دولار كأرباح فهوا من الآخر إدالك 20 دولار من فلوسك وفلوس الناس وإنتا فاكر إنها أرباح بجد فهتثق فيه أكتر وتستثمر فلوس أكتر وناس كتير يستثمرو فلوس أكتر ويدي مراجعين فلوس من فلوسك عشان يعملو فيديوهات ويفتح فرع من فلوس الناس عشان يحسسك بالمصداقية المهم إللي داخل أكتر من إللي طالع بفرق كبير لحد لما مجموع الفلوس إللي الناس بيحطوها عنده يوصل للرقم المطلوب يخلع ويسيبكم تولعو فبعض!

Leave a Reply

Your email address will not be published. Required fields are marked *